முதல் முறையாக ஐசிசி மகளிர் 50 ஓவர் உலகக் கோப்பையை வென்று வரலாற்றுச் சாதனை படைத்த இந்திய மகளிர் அணிக்கு, தமிழ்நாடு முதலமைச்சர் மு.க.ஸ்டாலின் அவர்கள் தனது மனமார்ந்த வாழ்த்துகளைத் தெரிவித்துள்ளார். இந்திய அணியின் இந்த வெற்றி, திறமை, மன உறுதி மற்றும் கூட்டு முயற்சிக்கு கிடைத்த அங்கீகாரம் என்றும் அவர் புகழ்ந்துள்ளார்.
முதலமைச்சர் ஸ்டாலின் வெளியிட்ட வாழ்த்துச் செய்தி (எக்ஸ் பதிவு):
உலகக் கோப்பை வென்ற இந்திய அணிக்குப் பாராட்டு தெரிவித்து முதலமைச்சர் மு.க.ஸ்டாலின் அவர்கள் தனது ‘எக்ஸ்’ (Twitter) சமூக வலைதளப் பக்கத்தில் வெளியிட்ட பதிவின் விவரம்:
“இந்திய கிரிக்கெட்டுக்கு என்ன ஒரு பெருமைமிகு தருணம்! நமது பெண்கள் ஐசிசி மகளிர் உலகக் கோப்பையை வென்று, இந்தியா கிரிக்கெட் உலகை ஆள்கிறது!”
“திறமை, அமைதி மற்றும் கூட்டுமுயற்சியின் அற்புதமான வெளிப்பாட்டிற்காக இந்திய மகளிர் கிரிக்கெட் அணிக்கு மனமார்ந்த வாழ்த்துக்கள்.”
“இந்த வெற்றி, தலைமுறை தலைமுறையாகப் பல இளம் வீராங்கனைகள் பெரிய கனவுகளைக் காணவும், துணிச்சலுடன் விளையாடவும் ஊக்கமளிக்கும்.“
முதன்முறையாகக் கோப்பையை வென்ற தருணம்:
மகளிருக்கான ஐசிசி உலகக் கோப்பையின் இறுதிப் போட்டியில், இந்திய அணி தென்னாப்பிரிக்காவை 52 ரன்கள் வித்தியாசத்தில் வீழ்த்தி, தனது முதல் உலகக் கோப்பையை வென்றுள்ளது.
இறுதிப்போட்டியில் இந்திய வீராங்கனைகளின் நுணுக்கம், தன்னம்பிக்கை மற்றும் ஒருமித்த ஒத்துழைப்பு சிறப்பாக வெளிப்பட்டதாக அரசியல் தலைவர்கள் மட்டுமின்றி, கிரிக்கெட் வல்லுநர்களும் பாராட்டி வருகின்றனர்.
