சென்னை: நகைப்பிரியர்களுக்கும், நடுத்தரக் குடும்பங்களுக்கும் வாரத்தின் தொடக்கமே ஒரு கசப்பான செய்தியுடன் ஆரம்பமாகியுள்ளது. கடந்த சில நாட்களாக ஏற்ற இறக்கங்களுடன் காணப்பட்ட தங்கம் விலை, இன்று மீண்டும் தனது ‘விஸ்வரூப’ ஆட்டத்தைத் தொடங்கியுள்ளது. ஒரே நாளில் சவரனுக்கு ரூ.640 உயர்ந்து அதிர்ச்சியை ஏற்படுத்தியுள்ளது.
சவரன் ஒரு லட்சத்தை நெருங்குகிறது! சென்னையில் இன்று ஆபரணத் தங்கத்தின் விலை கிராமுக்கு ரூ.80 அதிகரித்து, ரூ.12,480-க்கு விற்பனை செய்யப்படுகிறது. இதன் மூலம், ஒரு சவரன் ஆபரணத் தங்கத்தின் விலை ரூ.99,840-ஆக உயர்ந்துள்ளது. கடந்த சில வாரங்களுக்கு முன்பு ஒரு லட்சத்தைத் தொட்டுவிட்டுச் சற்று குறைந்திருந்த தங்கம், இப்போது மீண்டும் ஒரு லட்ச ரூபாய் என்ற மைல்கல்லை எட்ட மிக அருகில் உள்ளது.
இன்றைய விலை நிலவரம்:
-
1 கிராம் தங்கம்: ரூ.12,480 (ரூ.80 உயர்வு)
-
8 கிராம் (1 சவரன்): ரூ.99,840 (ரூ.640 உயர்வு)
ஏன் இந்த திடீர் உயர்வு? சர்வதேசச் சந்தையில் நிலவும் பொருளாதார மாற்றங்கள், டாலரின் மதிப்பு மற்றும் முதலீட்டாளர்களின் கவனம் மீண்டும் தங்கத்தின் பக்கம் திரும்பியுள்ளது போன்ற காரணங்களால் விலை கிடுகிடுவென உயர்ந்து வருவதாகப் பொருளாதார நிபுணர்கள் தெரிவிக்கின்றனர். இது தவிர, வரவிருக்கும் சுபமுகூர்த்த தினங்கள் மற்றும் திருமண சீசன் காரணமாகத் தங்கத்திற்கான தேவை அதிகரித்துள்ளதும் ஒரு முக்கியக் காரணியாகப் பார்க்கப்படுகிறது.
இல்லத்தரசிகள் கவலை: “விலை குறையும் போது வாங்கலாம் என்று காத்திருந்தால், அதற்குள் இப்படி எகிறுகிறதே!” என இல்லத்தரசிகள் கவலை தெரிவித்து வருகின்றனர். தங்கம் விலை ஒரு லட்சத்தைத் தாண்டினால், அது நகை வாங்கும் சாமானிய மக்களின் கனவில் பெரும் பாதிப்பை ஏற்படுத்தும் என்பது நிதர்சனம்.
தங்கம் மற்றும் வெள்ளி விலையின் நிமிடத்திற்கு நிமிட அப்டேட்டுகளை உடனுக்குடன் தெரிந்துகொள்ள எங்களது Publicmedia360.com இணையதளத்தைத் தொடர்ந்து பாருங்கள்
