சென்னை: புத்தாண்டின் தொடக்கத்திலேயே தங்கம் மற்றும் வெள்ளி விலை ஏழை மற்றும் நடுத்தர மக்களுக்கு எட்டாக்கனியாக மாறி வருகிறது. வாரத்தின் முதல் வேலை நாளான இன்று (திங்கட்கிழமை), தங்கம் மற்றும் வெள்ளி விலை யாரும் எதிர்பார்க்காத வகையில் வரலாறு காணாத உச்சத்தைத் தொட்டுள்ளது.
தங்கம் விலை நிலவரம் (22 கேரட்): சென்னையில் ஆபரணத் தங்கத்தின் விலை இன்று சவரனுக்கு ரூ.640 உயர்ந்துள்ளது.
-
ஒரு சவரன்: ரூ.1,01,440
-
ஒரு கிராம்: ரூ.12,680
நேற்று ஒரு சவரன் தங்கம் ரூ.1,00,800-க்கு விற்பனையான நிலையில், இன்று அது ரூ.1 லட்சத்தைத் தாண்டி புதிய சாதனையைப் படைத்துள்ளது.
வெள்ளி விலை அதிரடி: தங்கத்தை விட இன்று வெள்ளி விலைதான் மிகப்பெரிய அதிர்ச்சியை அளித்துள்ளது. ஒரே நாளில் கிலோவுக்கு ரூ.8,000 உயர்ந்துள்ளது.
-
ஒரு கிலோ வெள்ளி: ரூ.2,65,000
-
ஒரு கிராம் வெள்ளி: ரூ.265
விலை உயர்வுக்கு என்ன காரணம்? உலகளாவிய பொருளாதாரச் சூழல், அமெரிக்க – வெனிசுலா விவகாரத்தால் ஏற்பட்டுள்ள போர் பதற்றம் மற்றும் சர்வதேச சந்தையில் டாலரின் மதிப்பு சரிவு போன்றவை தங்கம் மற்றும் வெள்ளியில் முதலீட்டாளர்களின் கவனத்தைத் திருப்பியுள்ளது. இதனால் வரும் நாட்களிலும் இந்த விலை உயர்வு தொடரலாம் எனப் பொருளாதார நிபுணர்கள் கணித்துள்ளனர்.
