சென்னை: 2026 தமிழகச் சட்டமன்றத் தேர்தலை முன்னிட்டுப் பெரிய கட்சிகள் கூட்டணிப் பேச்சுவார்த்தைகளை இப்போதே தொடங்கிவிட்டன. குறிப்பாகப் பாஜக தரப்பில் சிறிய கட்சிகளை ஒருங்கிணைக்கும் பணி நடந்து வரும் சூழலில், தேமுதிகவின் நிலைப்பாடு குறித்துப் பிரேமலதா விஜயகாந்த் இன்று விளக்கம் அளித்துள்ளார்.
பேச்சுவார்த்தை நடக்கவில்லை: “பாஜக தரப்பில் இருந்தோ அல்லது வேறு எந்தக் கட்சியில் இருந்தோ கூட்டணி குறித்து எங்களிடம் இதுவரை யாரும் முறைப்படி பேசவில்லை. ஊடகங்களில் வரும் செய்திகள் அனைத்தும் வெறும் யூகங்களே.”
உரிய நேரத்தில் அறிவிப்பு: “கூட்டணி என்பது ஒரு முக்கியமான முடிவு. அதை அவசரப்பட்டு எடுக்க முடியாது. தேர்தல் நெருங்கும் வேளையில், கட்சியின் நலன் கருதி உரிய நேரத்தில் அனைவரிடமும் எங்களது முடிவை அறிவிப்போம்.”
தனித்துவமான பாதை: கேப்டன் விஜயகாந்த் காட்டிய வழியில் தேமுதிக தொடர்ந்து மக்கள் பணிகளைச் செய்து வருவதாகவும், தொண்டர்களின் கருத்தைக் கேட்டே இறுதி முடிவு எடுக்கப்படும் என்றும் அவர் தெரிவித்தார்.
அரசியல் பின்னணி: கடந்த மக்களவைத் தேர்தலில் தேமுதிக – அதிமுக கூட்டணியில் இருந்தது. ஆனால், தற்போது அதிமுகவிலிருந்து பலரும் விலகி வரும் சூழலில், தேமுதிக மீண்டும் அதிமுகவுடன் தொடருமா அல்லது பாஜக தலைமையிலான மூன்றாவது அணியில் இணையுமா என்ற கேள்வி எழுந்துள்ளது. பிரேமலதாவின் இந்த “யாரும் பேசவில்லை” என்ற கருத்து, பாஜகவுக்கு ஒரு ‘வெயிட்டிங் லிஸ்ட்’ மெசேஜ் போலவே பார்க்கப்படுகிறது
