சென்னை (ஜனவரி 22, 2026): தமிழகத்தில் பொதுமக்களுக்கு மிக நெருக்கமான துறைகளில் ஒன்றான பதிவுத்துறையை முழுமையாக டிஜிட்டல் மயமாக்கும் நோக்கில், ‘ஸ்டார் 3.0’ என்ற புதிய மென்பொருள் மற்றும் 18 புதிய சேவைகளை முதலமைச்சர் மு.க. ஸ்டாலின் இன்று தொடங்கி வைக்கிறார்.
வீட்டிலிருந்தே பதிவு: ஒரு குறிப்பிட்ட வகை ஆவணங்கள் மற்றும் வாடகை ஒப்பந்தங்களைச் சார் பதிவாளர் அலுவலகத்திற்குச் செல்லாமலேயே, பயோமெட்ரிக் மற்றும் ஆதார் சரிபார்ப்பு மூலம் வீட்டிலிருந்தே ஆன்லைனில் பதிவு செய்யலாம்.
நேரடி சந்திப்பு கிடையாது: பெரும்பாலான சேவைகள் ‘Faceless’ முறையில் மாற்றப்பட்டுள்ளதால், அதிகாரிகளை நேரில் சந்தித்து லஞ்சம் கொடுக்க வேண்டிய சூழல் இனி இருக்காது.
தானியங்கி பட்டா மாற்றம்: பத்திரப்பதிவு முடிந்த உடனேயே பட்டா மாற்றத்திற்கான விண்ணப்பம் வருவாய்த் துறைக்குத் தானாகவே சென்றுவிடும்.
வீடியோ காலில் விசாரணை: சிக்கலான ஆவணங்கள் என்றால் வீடியோ கால் மூலம் சார் பதிவாளர் விசாரணை நடத்தும் வசதியும் இதில் உள்ளது.
என்னென்ன 18 சேவைகள்? வில்லங்கச் சான்றிதழ் (EC) பெறுதல், திருமணப் பதிவு, சொத்து மதிப்பீடு பார்த்தல், ஆன்லைன் கட்டணம் செலுத்துதல் உள்ளிட்ட 18 முக்கியப் பணிகள் இந்த புதிய ஸ்டார் 3.0 தளத்தில் மிக எளிமையாக்கப்பட்டுள்ளன.
துறை ரீதியான மாற்றம்: ஏற்கனவே பயன்பாட்டில் இருந்த ஸ்டார் 2.0 மென்பொருளில் இருந்த தொழில்நுட்பக் கோளாறுகளைச் சரிசெய்து, அதிவேக சர்வர்கள் மூலம் இந்த புதிய சிஸ்டம் உருவாக்கப்பட்டுள்ளது. இது ரியல் எஸ்டேட் துறையினர் மற்றும் பொதுமக்களிடையே பெரும் வரவேற்பைப் பெற்றுள்ளது.
