ஜூன் 11, 2025 இந்தியாவின் முன்னணி டிஜிட்டல் பேமெண்ட்ஸ் சேவை நிறுவனமான PAYTM, அதன் வாடிக்கையாளர்களுக்கு மிக முக்கியமான புதிய வசதியை இன்று அறிவித்துள்ளது. இனி பேடிஎம் UPI மூலமாக பணம் பெறும்போது உங்கள் மொபைல் எண்ணை பகிர வேண்டிய அவசியமில்லை. புதிய வசதி மூலம் நீங்கள் விரும்பும் பெயரில் தனிப்பயன் UPI ID உருவாக்கிக் கொள்ளலாம். பேடிஎம் வங்கிகளுடன் இணைந்து, வாடிக்கையாளர்களின் தனியுரிமையை பாதுகாக்கும் வகையில் இந்த சேவையை துவக்கியுள்ளது.
இதன் மூலம் வாடிக்கையாளர்கள், தங்களின் எண்ணை வெளிப்படுத்தாமல், மிக எளிதாக நினைவில் வைக்கும் ID-ஐ தேர்ந்தெடுத்து, அதற்கான பாதுகாப்பையும் விருப்பத்தையும் பெற முடியும்.
எடுத்துக்காட்டாக:
yourname@paytm என்ற ID-ஐ உருவாக்கி, உங்கள் கணக்கில் பணம் பெறலாம். இதனால் நீங்கள் விரும்பும் பெயரை உங்கள் ID-யாக வைத்துக்கொள்ள முடியும், மேலும் தொழில் அல்லது தனிப்பட்ட பரிவர்த்தனைகளில் தனியுரிமை பாதுகாக்கப்படும்.
இதன் முக்கிய அம்சங்கள்:
பண பரிமாற்றம் செய்யும் போது அனுப்புநர் உங்கள் மொபைல் எண்ணை பார்க்க முடியாது.
பயனர்கள் விரும்பிய பெயரில் தனிப்பயன் ID உருவாக்கி கொள்ளலாம். உங்கள் பெயரில் தொழில்துறை/பிரத்தியேக ID உருவாக்கி, உங்கள் வாடிக்கையாளர்கள், நண்பர்கள் உங்களை எளிதில் அடையாளம் காணலாம். பேடிஎம் செயலியில் உள்நுழையவும். ப்ரொஃபைல் ஐகானை தேர்ந்தெடுக்கவும். “UPI Settings” பகுதியில் “Manage UPI” என்பதைத் தேர்வு செய்யவும்.
புதிய ID உருவாக்கி, அதனை செயல்படுத்தவும். தனியுரிமையை விரும்புவோர், தொழில்முனைவோர், சிறிய வியாபாரிகள், டிஜிட்டல் பரிவர்த்தனைகளில் தனிமையான பெயரை விரும்புவோர் இந்த வசதி தனியுரிமையை மேம்படுத்துவதோடு, தொழில்முனைவோர் மற்றும் வாடிக்கையாளர்களின் வாழ்க்கையை எளிதாக்கும் என்று எதிர்பார்க்கப்படுகிறது. பேடிஎம் தனது பாதுகாப்பு அம்சங்களை தொடர்ந்து மேம்படுத்தி, இந்தியாவின் டிஜிட்டல் பேமெண்ட்ஸ் துறையில் முன்னணி இருப்பதை உறுதி செய்கிறது.
