திண்டுக்கல்லில் ‘பட்டா’ சாதனை!! மேலும் 1 லட்சம் பேருக்கு வீட்டுமனை பட்டா!! முதல்வர் ஸ்டாலின் அதிரடி அறிவிப்பு!!

தமிழகத்திலேயே ‘நம்பர் 1’ திண்டுக்கல் 1 லட்சம் பேருக்குப் புதிய வீட்டுமனை பட்டாக்கள்  முதல்வர் ஸ்டாலின் மெகா பிளான்

திண்டுக்கல்: திண்டுக்கல் மாவட்ட ஆட்சியர் அலுவலகம் அருகே இன்று நடைபெற்ற பிரம்மாண்ட அரசு நலத்திட்ட உதவிகள் வழங்கும் விழாவில், முதலமைச்சர் மு.க. ஸ்டாலின் கலந்துகொண்டு ரூ.1,595 கோடி மதிப்பிலான திட்டங்களைத் தொடங்கி வைத்தார்.

பட்டா வழங்குவதில் சாதனை: விழாவில் பேசிய முதலமைச்சர், “தமிழகத்திலேயே அதிகப்படியான வீட்டுமனை பட்டாக்கள் வழங்கப்பட்ட மாவட்டமாகத் திண்டுக்கல் திகழ்கிறது. இதுவரை வழங்கப்பட்டது ஒருபுறம் இருக்க, தற்போது கூடுதலாக 1 லட்சத்து 2 ஆயிரம் பேருக்கு வீட்டுமனை பட்டாக்கள் வழங்கப்பட உள்ளன” எனத் தெரிவித்து மக்களைக் குஷிப்படுத்தினார்.

முக்கிய அறிவிப்புகள்:

• 30,000 பயனாளிகள்: பல்வேறு துறைகளின் கீழ் சுமார் 30,000 பேருக்கு நலத்திட்ட உதவிகளை முதல்வர் இன்று நேரில் வழங்கினார்.

• ரூ.1,595 கோடி திட்டங்கள்: 111 முடிவுற்ற திட்டங்களைத் திறந்து வைத்து, 212 புதிய திட்டப் பணிகளுக்கு அடிக்கல் நாட்டினார்.

• புதிய பேருந்துகள்: பொதுமக்களின் வசதிக்காக 50 புதிய அரசுப் பேருந்துகளின் இயக்கத்தையும் முதல்வர் கொடியசைத்துத் தொடங்கி வைத்தார்.

• கூட்டுறவு கலைக் கல்லூரி: ரூ.75 கோடி மதிப்பிலான கூட்டுறவு கலை மற்றும் அறிவியல் கல்லூரியையும் முதல்வர் திறந்து வைத்தார்.

திண்டுக்கல்லுக்கு முன்னுரிமை: “திண்டுக்கல் மாவட்டம் எப்போதுமே திமுக-வின் கோட்டை. அதனால்தான் இந்த மாவட்டத்தின் வளர்ச்சிக்கு அதிக முக்கியத்துவம் அளிக்கப்படுகிறது” என்று நெகிழ்ச்சியுடன் குறிப்பிட்ட ஸ்டாலின், “சொந்தமாக நிலம் இல்லாத ஒரு ஏழை கூட இந்த மாவட்டத்தில் இருக்கக் கூடாது என்பதே எமது அரசின் இலக்கு” என உறுதிபடத் தெரிவித்தார்