ஆஷஸ்England beat Australia தொடரில், இங்கிலாந்து அணி இன்று (டிசம்பர் 27, 2025) ஒரு மாபெரும் வரலாற்றுச் சாதனையை நிகழ்த்தியுள்ளது. மெல்போர்ன் கிரிக்கெட் மைதானத்தில் (MCG) நடைபெற்ற 4-வது டெஸ்ட் போட்டியில், ஆஸ்திரேலியாவை 4 விக்கெட் வித்தியாசத்தில் வீழ்த்தி, 15 ஆண்டுகால நீண்ட கால காத்திருப்புக்கு இங்கிலாந்து முற்றுப்புள்ளி வைத்துள்ளது.
15 ஆண்டுகால ‘பழி’ தீர்ந்தது: கடைசியாக 2011-ம் ஆண்டு ஜனவரி மாதம் சிட்னியில் நடைபெற்ற டெஸ்டில் இங்கிலாந்து வென்றிருந்தது. அதன் பிறகு ஆஸ்திரேலிய மண்ணில் விளையாடிய 18 டெஸ்ட் போட்டிகளில் ஒன்றில் கூட ஜெயிக்க முடியாமல் (16 தோல்வி, 2 டிரா) தவித்து வந்த இங்கிலாந்துக்கு, இன்றைய வெற்றி ஒரு வரப்பிரசாதமாக அமைந்துள்ளது. சரியாக 5,468 நாட்களுக்குப் பிறகு இந்தச் சாதனை நிகழ்த்தப்பட்டுள்ளது.
இரண்டே நாட்களில் முடிந்த ‘த்ரில்லர்’: இந்தப் போட்டி கிரிக்கெட் வரலாற்றில் மிகவும் விசித்திரமான ஒன்றாக அமைந்தது. முதல் நாளிலேயே 20 விக்கெட்டுகள் விழுந்து ரசிகர்களை அதிர்ச்சியில் ஆழ்த்தியது.
முதல் இன்னிங்ஸ்: ஆஸ்திரேலியா 152, இங்கிலாந்து 110.
இரண்டாவது இன்னிங்ஸ்: இங்கிலாந்து பந்துவீச்சாளர்கள் ஜோஷ் டாங் மற்றும் பிரைடன் கார்ஸ் ஆகியோரின் அனல் பறக்கும் வேகத்தில் ஆஸ்திரேலியா 132 ரன்களுக்கு சுருண்டது.
வெற்றி இலக்கு: 175 ரன்கள் என்ற இலக்கை நோக்கி ஆடிய இங்கிலாந்து, ஹாரி புரூக் மற்றும் ஜேமி ஸ்மித் ஆகியோரின் பொறுப்பான ஆட்டத்தால் 6 விக்கெட் இழப்பிற்கு 178 ரன்கள் எடுத்து அபார வெற்றி பெற்றது.
முக்கிய வீரர்கள்: இங்கிலாந்து தரப்பில் முதல் இன்னிங்ஸில் 5 விக்கெட் வீழ்த்திய ஜோஷ் டாங் மற்றும் இரண்டாவது இன்னிங்ஸில் 4 விக்கெட் வீழ்த்திய பிரைடன் கார்ஸ் ஆகியோர் வெற்றியில் முக்கியப் பங்கு வகித்தனர். ஆஸ்திரேலிய தரப்பில் டிராவிஸ் ஹெட் (46) மட்டுமே போராடினார். ஏற்கனவே தொடரை 3-0 என இழந்திருந்த இங்கிலாந்துக்கு, இந்த ‘பாக்ஸிங் டே’ வெற்றி ஒரு மாபெரும் ஆறுதலையும், கௌரவத்தையும் மீட்டுத் தந்துவிட்டது.
