அஜித் நடித்த ‘குட் பேட் அக்லி’ (GBU) திரைப்படம், திரையுலகில் அவரது career லில் மிக முக்கியமான இடத்தை பிடித்துள்ளது. ரசிகர்களின் கோலாகல வரவேற்பு, விமர்சன ரீதியிலான புகழ்ச்சி மற்றும் வசூலில் ஏற்பட்ட வெற்றியின் பின்னணியில், இப்படம் மொத்தம் ரூ. 285 கோடிக்கும் மேல் உலகளவில் வசூல் செய்தது.
இந்த வெற்றியை தொடர விரும்பும் தயாரிப்பாளர், இயக்குநர் மற்றும் நடிகர் மூன்று பேரும் மீண்டும் ஒன்று சேர உள்ளனர். ‘AK 64’ என்ற பெயரில் அடுத்த அதிரடியான படம் உருவாகி வருகிறது. AK 64 திரைப்படத்திற்கும் இயக்குநராக ஆதிக் ரவிச்சந்திரனே இருப்பார். அவர், ‘GBU’ படத்தில் அஜித்தின் மாஸ் மற்றும் ஸ்டைலை வித்தியாசமான கண்ணோட்டத்தில் கொண்டு வந்தவர். அதே மாதிரி, இந்த புதிய படத்திலும், கூடுதல் விறுவிறுப்புடன் அவரை நகர்த்த திட்டமிட்டுள்ளார். படத்தின் தயாரிப்பை முக்கிய தயாரிப்பாளர்களில் ஒருவரான ஐசரி கே. கணேஷ் மேற்கொள்ளவுள்ளார். தொழில்துறையில் இவர் வெற்றி திட்டங்களை மிக உறுதியாகத் தள்ளி வருபவர் என்பதால், ‘AK 64’ மீதான எதிர்பார்ப்பு இன்னும் அதிகமாகி இருக்கிறது. மிகப்பெரிய அளவில் உருவாக உள்ள இந்தப் படத்திற்காக, அஜித் குமார் சுமார் ரூ. 180 கோடி சம்பளமாக வாங்கவுள்ளார். கடந்த ‘GBU’ திரைப்படத்துக்காக அவர் ரூ.163 கோடி சம்பளம் பெற்றிருந்தார் என்ற செய்தி நாம் அறிந்ததே. அதைவிட அதிகமாகவே இப்போதைய சம்பளத்தை ஏற்கவுள்ளதாக கூறப்படுகிறது.
இத்துடன், இயக்குநர் ஆதிக் ரவிச்சந்திரனுக்கும் ரூ.12 கோடி சம்பளமாக ஒதுக்கப்பட்டுள்ளது. இது அவரது கடந்த படங்களுடன் ஒப்பிடும் போது மிகப்பெரிய உயர்வாகும். இது அவர் கடந்த வெற்றியின் அடிப்படையில் பெற்றுள்ள நம்பிக்கையின் பிரதிபலிப்பாகும்.
நடிகர் அஜித் தமிழ் சினிமாவில் மிக உயர்ந்த சம்பளம் வாங்கும் நடிகர்களில் ஒருவராக திகழ்கிறார். அவரது படங்களுக்கு எந்தவொரு விளம்பரத் தோற்றமும் இல்லாமல் கூட ரசிகர்கள் வரிசையில் நின்று காட்சி காண்பதற்கான பாசம் என்பது அவரது தனிச்சிறப்பு. ‘GBU’ வெற்றிக்குப் பிறகு, ‘AK 64’ பாக்ஸ் ஆபிஸில் புதிய சாதனைகளை உருவாக்கும் என எதிர்பார்க்கப்படுகிறது.
