பள்ளி, கல்லூரி, திருமண மண்டபங்கள், வணிக வளாகங்கள் உள்ளிட்ட பல்வேறு நிறுவனங்களுக்கு வழங்கப்படும் சுகாதார சான்றிதழ் பெறும் முறையில் மாற்றம் செய்யப்பட்டுள்ளது. இனிமேல் இந்த சான்றிதலுக்காக நேரில் அலுவலகங்களுக்கு சென்று லஞ்சம் கொடுத்து நேரம் வீணாக்க வேண்டிய அவசியமே இல்லை. மாநில அரசு தற்போது முழுமையாக ஆன்லைன் முறையில் இந்த சேவையை கொண்டு வந்துள்ளது. இந்த புதிய நடைமுறை மூலம் சான்றிதழ் பெறும் செயல்முறை மிக எளிமையாகவும், வெளிப்படையாகவும், தொழில்நுட்ப அடிப்படையிலானதும் ஆகும் என பொது சுகாதாரத்துறை தெரிவிக்கிறது. சுகாதார சான்றிதழ் என்பது அனைத்து விதமான நிறுவனங்களுக்கும் கட்டாயம் பெற வேண்டிய ஒன்று. இதில் குறிப்பாக:
பள்ளி மற்றும் கல்லூரிகள், திருமண மண்டபங்கள், ஆண் மற்றும் பெண் விடுதிகள், உணவகங்கள், ஹோட்டல்கள், தொழிற்சாலைகள் மற்றும் வணிக வளாகங்கள் போன்ற இடங்களில் சுகாதாரத்துறை அதிகாரிகள் நேரில் ஆய்வு செய்து, தேவையான சுகாதார நடைமுறைகள் பின்பற்றப்படுவதாக உறுதி செய்த பின்னரே சான்றிதழ் வழங்கப்படுகிறது. இந்த புதிய முறைப்படி, www.tnesevai.tn.gov என்ற இணையதளத்தின் மூலம் விண்ணப்பிக்கலாம்.
விண்ணப்பிக்க தேவையான முக்கிய ஆவணங்கள்: உரிமம் தொடர்பான ஆவணங்கள், கட்டிட அனுமதி/மீட்டளவு ஆவணங்கள், சுயஉறுதிமொழி, முந்தைய சான்றிதழ் நகல் (இருந்தால்)
விண்ணப்பம் சமர்ப்பிக்கப்பட்டதும், அதிகாரிகள் நேரில் ஆய்வு மேற்கொள்வார்கள். ஆய்விற்குப் பிறகு சுகாதார சான்றிதழ் ஆன்லைனில் உருவாக்கப்பட்டு, அதை பதிவிறக்கம் செய்து காட்சிப்படுத்தலாம். இதுவரை நேரில் கொடுக்கப்பட்ட விண்ணப்பங்கள் மட்டும் நிர்வாகிகள் பரிசீலித்து சான்றிதழ் வழங்கப்படும் முறை இருந்தது. இனி எந்தவொரு நேரடி விண்ணப்பங்களும் ஏற்கப்படாது எனவும் அரசு அறிவுறுத்தியுள்ளது.
சான்றிதழ் வணிகம் அல்லது கல்வி நிறுவனத்தில் நேரடியாக (visible) காட்சிப்படுத்தப்பட வேண்டும்.
ஆய்வின்போது சுகாதார விதிகள் மீறப்படுமானால், சான்றிதழ் ரத்து செய்யப்படும். மீண்டும் விண்ணப்பிக்க வேண்டுமானால், அனைத்து குறைபாடுகளும் சரி செய்யப்பட்டுள்ளது என நிரூபிக்க வேண்டியிருக்கும். இந்த அறிவிப்பின் மூலம் அரசு நிர்வாகத் திறனை உயர்த்தும் முயற்சியாகவும், பொதுமக்கள் சுகாதாரத்தையும் பாதுகாக்கும் நடவடிக்கையாகவும் இது அமைந்துள்ளது. இது போன்ற ஆன்லைன் சேவைகள் விரிவுபடுத்தப்படுவதால், சரியான தரவுகள், குறைந்த நேரம், குறைந்த சிக்கல் ஆகியன உறுதி செய்யப்படும்.
