என்னைத் திட்டுங்க.. ஆனா குடும்பத்தை இழுக்காதீங்க மேடையிலேயே உடைந்த சிவகார்த்திகேயன் ஆர்த்தியின் கண்ணீரால் ரசிகர்கள் அதிர்ச்சி
சென்னை: திரைத்துறையில் ஒரு சாதாரண மிமிக்ரி ஆர்டிஸ்டாகத் தொடங்கி இன்று ‘பிரின்ஸ்’ ஆக வளர்ந்து நிற்கும் சிவகார்த்திகேயன், சமீபகாலமாகச் சந்தித்து வரும் சமூக வலைதள விமர்சனங்களால் மிகுந்த மனவேதனையில் இருப்பது தெரியவந்துள்ளது.
மேடையில் எமோஷனல்: சமீபத்தில் நடைபெற்ற ஒரு பொது நிகழ்ச்சியில் கலந்துகொண்டு பேசிய சிவகார்த்திகேயன், திடீரென எமோஷனலாகத் தனது மனக்குமுறல்களைக் கொட்டினார். “சினிமாவில் விமர்சனங்கள் வருவது சகஜம். என் நடிப்பைப் பிடிக்கவில்லை என்றால் என்னைத் திட்டுங்கள், விமர்சனம் செய்யுங்கள். ஆனால் சம்பந்தமே இல்லாமல் என் குடும்பத்தையும், குழந்தைகளையும் இழுத்து அசிங்கமாகப் பேசுவது ரொம்ப வலியைக் கொடுக்கிறது” என்று பேசினார்.
கண் கலங்கிய மனைவி: அவர் இதைப் பேசிக்கொண்டிருக்கும் போதே, கீழே அமர்ந்திருந்த அவரது மனைவி ஆர்த்தி, துக்கம் தாங்காமல் விம்மி விம்மி அழுதார். இதைப் பார்த்த ரசிகர்கள் மற்றும் அங்கிருந்த பிரபலங்கள் அதிர்ச்சியடைந்தனர். எப்போதுமே கலகலப்பாகப் பேசும் எஸ்கே, இப்படிப் பகிரங்கமாகத் தனது வேதனையைப் பகிர்ந்தது சமூக வலைதளங்களில் விவாதத்தைக் கிளப்பியுள்ளது.
ரசிகர்கள் ஆதரவு: “யாரோ ஒரு சிலர் செய்யும் தவறுக்காக ஒரு கலைஞனின் குடும்பத்தைச் சிதைப்பது நியாயமில்லை” என எஸ்கே ரசிகர்கள் #StayStrongSK எனப் பதிவிட்டு அவருக்கு ஆதரவு தெரிவித்து வருகின்றனர். ‘அமரன்’ படத்தின் மாபெரும் வெற்றிக்குப் பிறகு, அவர் மீதான தனிப்பட்ட தாக்குதல்கள் அதிகரித்துள்ளதே இதற்குக் காரணம் எனக் கூறப்படுகிறது.
