மலேசியாவில் நடைபெற்ற ‘ஜனநாயகன்’ இசை வெளியீட்டு விழாவில் சிறப்பு விருந்தினராகப் பாடகர் எஸ்பிபி சரண் கலந்துகொண்டார். அப்போது மேடையில் பேசிய அவர், தனது தந்தை எஸ்பிபி அவர்களுக்கும் நடிகர் விஜய்க்கும் இருந்த அந்தப் பிணைப்பு குறித்தும், அவர்களின் கூட்டணியில் வெளியான பாடல்கள் குறித்தும் சில சுவாரஸ்யமான ரகசியங்களைப் பகிர்ந்து கொண்டார்.
சிறந்த காம்போ எது? விஜய் – எஸ்பிபி கூட்டணி குறித்துப் பேசிய சரண், “எல்லாரும் கேக்குறாங்க விஜய் – எஸ்பிபி காம்போ-ல எது சிறந்ததுன்னு. என்னைப் பொறுத்தவரை விஜய் – எஸ்பிபி காம்போ-ல பாடல்கள் தான் பெஸ்ட்-னு சொல்லுவேன். ஏன்னா, அவங்க ரெண்டு பேரும் சேர்ந்து கொடுத்த எனர்ஜியை வேற யாராலயும் கொடுக்க முடியாது. இன்றும் அந்தப் பாடல்கள் எல்லா இடத்துலயும் ஒலிச்சுக்கிட்டு இருக்கு” என்றார்.
அப்பாவின் நடிப்பு பற்றி விமர்சனம்: தொடர்ந்து தனது தந்தையின் நடிப்பு குறித்துப் பேசிய அவர், “உண்மையைச் சொல்லணும்னா, அப்பாவோட நடிப்புக்கு நான்தான் மிகப்பெரிய விமர்சகர் (Critic). அவர் நல்லா நடிச்சாலும் நான் ஏதாவது குறை சொல்லிக்கிட்டே இருப்பேன். ஆனால், பாடல்களில் அப்படியொரு குறையை என்னால சொல்லவே முடியாது. குறிப்பாக விஜய்க்காக அவர் பாடிய பாடல்கள் ஒவ்வொன்றும் ஒரு மாஸ்டர் பீஸ்” என்று கலகலப்பாகப் பேசினார்.
விஜய்யின் ரியாக்ஷன்: சரண் மேடையில் இதைப் பேசிக்கொண்டிருந்தபோது, முன்னால் அமர்ந்திருந்த விஜய் சிரித்துக்கொண்டே அதைக் கேட்டு ரசித்தார். ‘நிலாவே வா’, ‘மின்சாரக் கண்ணா’ என எஸ்பிபி பாடிய பல ஹிட் பாடல்களை மேடையில் நினைவு கூர்ந்தபோது அரங்கம் கைதட்டல்களால் அதிர்ந்தது.
எஸ்பிபி இன்று நம்முடன் இல்லை என்றாலும், அவரது குரல் விஜய்யின் பாடல்கள் வழியாக என்றும் வாழும் என்பதை எஸ்பிபி சரணின் இந்தப் பேச்சு மீண்டும் உறுதிப்படுத்தியது.
