மலேசியாவில் ‘ஜனநாயகன்’ படத்தின் இசை வெளியீட்டு விழா மிக பிரமாண்டமாக நடைபெற்றது. மேடையில் மைக் பிடித்த விஜய், மலேசியாவுக்கும் தமிழ் சினிமாவுக்கும் உள்ள பந்தம் குறித்துப் பேசத் தொடங்கினார். அப்போது அவர் நடிகர் அஜித் குறித்துப் பேசிய ஒரு விஷயம், “தல – தளபதி” இருவரின் ரசிகர்களையும் ஒரே புள்ளியில் இணைத்துள்ளது.
அஜித்தும் மலேசியாவும்: மலேசியாவில் எடுக்கப்பட்ட தமிழ் படங்கள் குறித்துப் பேசிய விஜய், “மலேசியானு சொன்னாலே சில படங்களோட பேரு தான் ஞாபகத்துக்கு வரும். அப்படி ஒரு படம் தான் நம்ம நண்பர் அஜித் நடித்த ‘பில்லா’. அந்தப் படம் மலேசியாவின் அழகையும், கம்பீரத்தையும் மிகச் சிறப்பாகக் காட்டியிருக்கும்” என்று குறிப்பிட்டார்.
நண்பர் என்று அழைத்த நெகிழ்ச்சி: வழக்கமாக அஜித்தை “நண்பர்” என்றே அழைத்து வரும் விஜய், இப்போது அரசியல் பயணத்தைத் தொடங்கும் தருணத்திலும், ஒரு மிகப்பெரிய பொது மேடையில் அஜித்தின் சாதனையை அங்கீகரித்துப் பேசியது அனைவரையும் கவர்ந்துள்ளது. “நம்ம நண்பர் அஜித்” என்று அவர் சொன்ன அந்த நொடியில், மைதானத்தில் இருந்த ஆயிரக்கணக்கான ரசிகர்கள் எழுந்து நின்று கைதட்டி ஆரவாரம் செய்தனர்.
ரசிகர்களுக்கு ஒரு பாடம்: சமூக வலைதளங்களில் விஜய் – அஜித் ரசிகர்கள் மோதிக்கொள்ளும் சூழலில், தங்களுக்குள் எந்தப் போட்டியும் இல்லை, தங்களுக்குள் இருப்பது நட்பு மட்டுமே என்பதை விஜய் தனது பேச்சின் மூலம் மீண்டும் ஒருமுறை ரசிகர்களுக்கு உணர்த்தியுள்ளார்.
‘ஜனநாயகன்’ இசை வெளியீட்டு விழா விஜய்யின் அரசியல் மற்றும் சினிமா பயணத்தில் முக்கியமான ஒன்றாக இருந்தாலும், அவர் அஜித்தை நினைவு கூர்ந்து பேசியது அந்த விழாவிற்கே ஒரு தனி மரியாதையைக் கொடுத்துள்ளது
