தர்மபுரி மாவட்டம் ஹரிஹரநாத சாமி கோவில் தெருவை சேர்ந்த மோனிகா (27) என்ற இளம் பெண் மருத்துவர் தற்கொலை செய்துக் கொண்ட சம்பவம் அந்தப்பகுதியில் பெரும் சோகத்தை ஏற்படுத்தியுள்ளது.
பிலிப்பைன்ஸ் நாட்டில் மருத்துவக் கல்வி முடித்த மோனிகா, திரும்பி வந்து தர்மபுரியில் உள்ள ஒரு தனியார் மருத்துவமனையில் பணியாற்றி வந்தார். அவருக்கு பெற்றோர் திருமணம் செய்து வைக்கவேண்டும் என பல்வேறு Alliances பார்க்கத் தொடங்கினர். ஆனால் மோனிகாவுக்கு திருமணம் செய்யும் ஆர்வம் இல்லாததால் பெற்றோர்களுடன் அவ்வப்போது மனஸ்தாபம் ஏற்பட்டது என்று உறவினர்கள் தெரிவித்துள்ளனர்.
இந்த மன அழுத்தம் காரணமாகவே மோனிகா தற்கொலைக்கான முடிவை எடுத்ததாக கூறப்படுகிறது.
இன்றுமுன் தினம் இரவு மோனிகா வேலை முடித்து தனது அறைக்குள் ஓய்வு எடுத்துக் கொண்டிருந்தார். பொதுவாக அவ்வப்போது நண்பர்களோ, சக ஊழியர்களோ கேட்டு பேசுவார்கள் என தெரியும். ஆனால் நீண்ட நேரமாக கதவு திறக்கப்படாமல் இருந்தது ஊழியர்களுக்கு சந்தேகம் எழுத்தது. அதே நேரத்தில் கதவை தட்டியும், திறக்க இயலாததால் உடனே போலீசாருக்கு தகவல் வழங்கினர்.
போலீசார் கதவை உடைத்து உள்ளே சென்று பார்த்தபோது மோனிகா உயிரிழந்த நிலையில் கிடந்தார். அருகில் மயக்க மருந்து ஊசிகள் மற்றும் பாட்டில்கள் பரவலாக கிடந்தன. மோனிகாவின் உடல் பிரேத பரிசோதனைக்காக தர்மபுரி அரசு மருத்துவமனைக்கு அனுப்பி வைத்துள்ளனர். மேலும் போலீசார் வழக்குப் பதிவு செய்து விசாரணை நடத்தி வருகின்றனர். மோனிகாவின் தற்கொலை அவரது குடும்பத்தினரையும், நண்பர்களையும் பெரும் அதிர்ச்சியில் ஆழ்த்தியுள்ளது. திருமண அழுத்தம் காரணமாகவே இளம் மருத்துவர் தன்னைத்தானே மயக்க மருந்து ஊசிகளை செலுத்தி தற்கொலை செய்துகொண்டதாக முதற்கட்ட விசாரணையில் தெரியவந்துள்ளது. இச்சம்பவம் குறித்த செய்தி சமூக வலைதளங்களில் வேகமாக பரவி வருகிறது. பலரும் அவரது குடும்பத்துக்கு ஆழ்ந்த இரங்கலையும், இளம் பெண் மருத்துவர் வாழ்நாளே இன்னும் புனிதமாக இருப்பதாகவும், குடும்பம் மற்றும் சமூகத்தால் ஏற்படும் அழுத்தங்களை குறைக்க சமூக விழிப்புணர்வு தேவைப்படுவதாகவும் கருத்து தெரிவித்து வருகின்றனர்.
